SMAN 20 Bandung Jadi Modél Sakola KTR

Wasunda, Warta – Tim Pemantauan Evaluasi Pelaksanaan Kebijakan Kawasan Tanpa Rokok (KTR) datang ka SMAN 20 Bandung minangka lokasi KTR. SMAN 20 diajén bisa jadi modél sakola KTR.

“SMAN Bandung tiasa janten modél lantaran dirojong ku Kepala Sekolah sareng tenaga pendidik nu komitmen sarta dirojong ku program nu tos kaorganisasi,” ceuk Ketua Tim Pemantauan sakaligus Asistén Députi Pengendalian dan Penanggulangan Penyakit Kemenko Bidang Pembangunan Manusia dan Kebudayaan, Nancy Dian Anggraéni di SMAN 20 Bandung.

Pikeun nyiptakeun KTR di sakola, Nancy nandeskeun pentingna peran tenaga pendidik salaku conto pikeun para siswa. “Kumargi, barudak ngajantenkeun lingkunganana salaku figur nu digugu ditiru,” jelasna.

Nancy ngarojong sakola séjénna di Jawa Barat pikeun nerapkeun KTR di sakola. Éta hal kudu dirojong ku komitmen pamaréntah ngaliwatan Dinas Pendidikan sarta partisipasi masarakat.”Tiasa dikawitan ti lingkungan nu pangalitna heula, saperti lingkungnan sakola, teras wé di lingkungan masarakat,” tambahna.

Dumasar informasi nu dikutip tina disdik.jabarprov.go.id, Kepala SMAN 20 Bandung, Yéni Gantini ngébréhkeun yén ti taun 2014 pihakna geus komitmen dina nerapkeun KTR di sakola nu ayana téken pakta integritas.

Lian ti eéta, sakabéh kawijakan sakola saperti widang kurikulum, sarana prasarana tepi tata tartibna, sakabéhna basis lingkungan “Tos dibentuk tim satgas KTR nu anggotana para siswa”. Najan kitu, larapan KTR jeung usaha nyingkahan siswa sangkan teu ngaroko kudu dirojong ku sakabéh pihak.

“Para sepuh ogé gaduh peran masihan édukasi ka siswa. Upami teu dirojong ku sadaya pihak, tangtu bakal sesah mertahankeun ieu komitmen,” tegesna.

Sedengkeun Ketua OSIS sakaligus anggota Satgas KTR SMAN 20 Bandung, Manda Maura nyebutkeun, salaku satgas KTR, timna geus ngalakukeun sababaraha kagiatan pikeun ngarojong KTR di sakola. Diantarana saperti patroli ka unggal WC sakola sarta ngalakukeun kampanye tidak merokok di média sosial.

 

Sumber berita :

  • https://wasunda.com/news/news-update/sman-20-badnung-jadi-model-sakola-ktr/
Komentar

Related Post

Be the first to comment

Leave a Reply

Your email address will not be published.


*